02
ვაქცინები და ინფექცია

რა მასშტაბის იმუნიზაცია იქნება საჭირო კოლექტიური იმუნიტეტის მისაღწევად?

მოკლე პასუხი: არ ვიცით. ამიტომ ძალიან მნიშვნელოვანია, რომ ყველამ ჩაიტაროს ვაქცინაცია.

კოლექტიური იმუნიტეტის დონე დამოკიდებულია იმაზე, თუ რამდენად ადვილად გადადის ვირუსი ადამიანიდან ადამიანზე და იმაზე, თუ რამდენად კარგად გვიცავს ბუნებრივი ან ვაქცინით გამოწვეული იმუნიტეტი ინფექციისგან. ვირუსის ახალი ვარიანტების გაჩენით, რომლებსაც შეუძლიათ უფრო სწრაფად გავრცელება და იმუნური თავდაცვის თავიდან აცილება, შეუძლებელია იმის პროგნოზირება, თუ რა დონის იმუნიტეტია საჭირო ინფექციის შემდგომი გავრცელების თავიდან ასაცილებლად.

COVID-19 ვაქცინები ძალზე ეფექტურია სერიოზული ავადმყოფობისა და სიკვდილის პრევენციაში და ამცირებს, მაგრამ სრულად არ გამორიცხავს გადაცემის რისკს.

ვაქცინები არსებითად აუცილებელია ამ პანდემიის წინააღმდეგ საბრძოლველად, თუმცა მხოლოდ ვაქცინაცია არ შეაჩერებს პანდემიას. ყველამ უნდა დაიცვას მარტივი ზომები ვირუსის გავრცელების თავიდან ასაცილებლად, როგორიცაა ფიზიკური დისტანცია (მინიმუმ 1 მეტრი) სხვა ადამიანებისგან, კარგად მორგებული ნიღბის ტარება, ხელების ხშირი დაბანა და ხალხმრავალ ან ცუდად ვენტილირებადი ადგილების თავიდან აცილება. უნდა გავაგრძელოთ ჩვენს ხელთ არსებული ყველა ინსტრუმენტის გამოყენება, რათა დავიცვათ საკუთარი თავი და საზოგადოება ამ მომაკვდინებელი ვირუსისგან.

თაგები
სარჩევი