COVID-19-ის საწინააღმდეგო BIBP ვაქცინა - ადსორბირებული ალუმინის ჰიდროქსიდის ინაქტივირებული ვირუსის ვაქცინაა, რომელსაც მიენიჭა ჯანმრთელობის მსოფლიო ორგანიზაციის გადაუდებელი გამოყენების ავტორიზაცია (EUL) 2021 წლის მაისში. ჯანმო-ს გადაუდებელი გამოყენების ავტორიზაციის პროცესში ფასდება წარმოების ხარისხი უსაფრთხოებისა და ეფექტურობის ყველა შესაძლო მონაცემთან ერთად. ყველა ვაქცინა, რომელმაც მიიღო ჯანმოს-ს გადაუდებელი გამოყენების ავტორიზაცია, შეიძლება ჩაითვალოს უსაფრთხოდ და მაღალეფექტურად COVID-19-ის მიზეზით მძიმე დაავადებებისა და ჰოსპიტალიზაციის თავიდან აცილებაში. ჯანმრთელობის მსოფლიო ორგანიზაციის გადაუდებელი ავტორიზაციის მიღების შემდეგ, ეს ვაქცინა მიეწოდა მილიონობით ადამიანს მთელს მსოფლიოში და ველიდან მიღებული მონაცემები შეჯამდა ჯანმო-ს შუალედური შეფასებების განახლებულ ვერსიებში, რომლებიც გამოქვეყნდა 2021 წლის ოქტომბერში და 2022 წლის მარტში.
მაგალითად, უნგრეთში ვაქცინის ეფექტურობამ ქვეყნის მასშტაბით დიდ ჯგუფში (COVID-19-ის საწინააღმდეგო BIBP ვაქცინის მიმღები პირები), სულ დაახლოებით 900 000 პირი, შეადგინა 69% SARS-CoV-2-ის ინფექციით დაავადების პრევენციისთვის და 88% (95% CI: 86— 89%) COVID-19-თან დაკავშირებული სიკვდილის პრევენციაში[^1].
Sinopharm BIBP ვაქცინა განკუთვნილია 18 წლის და უფროსი ასაკის პირებისათვის. პირველადი ვაქცინის სერიად რეკომენდებულია 2 დოზის (0.5 მლ) ადმინისტრირება მკლავზე კუნთშიდა დელტისებურ კუნთში. ბუსტერ დოზა რეკომენდებულია უმაღლესი და მაღალი პრიორიტეტული მომხმარებელი ჯგუფებისთვის (მაგ., ხანდაზმულები, ჯანდაცვის მუშაკები, თანმხლები დაავადებების მქონე პირები), პირველადი სერიის დასრულებიდან 4-6 თვის შემდეგ.
იმუნიზაციის ექსპერტთა სტრატეგიულ მრჩეველთა ჯგუფის (SAGE) წინასწარი რეკომენდაციები COVID-19-ის ვაქცინების გამოყენების შესახებ:
https://www.who.int/groups/strategic-advisory-group-of-experts-on-immunization/covid-19-materials
წყარო:
- Vokó Z, Kiss Z, Surján G, Surján O, Barcza Z, Pályi B et al. Nationwide effectiveness of five SARS-CoV-2 vaccines in Hungary—the HUN-VE study. Clinical Microbiology and Infection. DOI: https://doi.org/10.1016/j.cmi.2021.11.011