Sinovac-Coronavac - ადსორბირებული ალუმინის ჰიდროქსიდის ინაქტივირებული ვირუსის ვაქცინა, რომელსაც 2021 წლის მაისში ჯანმრთელობის მსოფლიო ორგანიზაციის მიერ მიენიჭა გადაუდებელი გამოყენების ავტორიზაცია (EUL). ჯანმრთელობის მსოფლიო ორგანიზაციის გადაუდებელი გამოყენების ავტორიზაციის პროცესში ფასდება წარმოების ხარისხი უსაფრთხოებისა და ეფექტურობის ყველა შესაძლო მონაცემთან ერთად. ყველა ვაქცინა, რომელმაც მიიღო ჯანმო-ს გადაუდებელი გამოყენების ავტორიზაცია, შეიძლება ჩაითვალოს უსაფრთხოდ და მაღალეფექტურად COVID-19-ის მიზეზით მძიმე დაავადებებისა და ჰოსპიტალიზაციის თავიდან აცილებაში. ჯანმრთელობის მსოფლიო ორგანიზაციის გადაუდებელი ავტორიზაციის მიღების შემდეგ, ეს ვაქცინა მიეწოდა მილიონობით ადამიანს მთელს მსოფლიოში და ველიდან მიღებული მონაცემები შეჯამდა ჯანმო-ს შუალედური შეფასებების განახლებულ ვერსიებში, რომლებიც გამოქვეყნდა 2021 წლის ოქტომბერში და 2022 წლის მარტში.
მაგალითად, ჩილეში ჩატარებულმა კვლევამ 10,2 მილიონი 16 წლის და უფროსი ასაკის პირების ჩართულობით, რომლებსაც მიღებული აქვთ ვაქცინის 2 დოზა, აღმოაჩინა, რომ ვაქცინის ეფექტურობა 66%-ს შეადგენს COVID-19-ით დაავადების პროფილაქტიკისთვის; 88%-ს ჰოსპიტალიზაციის პრევენციისთვის; 90%-ს ინტენსიური თერაპიის განყოფილებაში (ICU) მოხვედრის პრევენციისთვის; 86%-ს COVID-19-თან დაკავშირებული სიკვდილის პრევენციისთვის. ეს მონაცემები მიღებულია მაშინ, როდესაც ძირითად გავრცელებულ ვარიანტებს COVID-19-ის გამა და ალფა ვარიანტები წარმოადგენდნენ[^1].
Sinovac-Coronavac-ის ვაქცინა განკუთვნილია 18 წლის და უფროსი ასაკის პირებისათვის. პირველადი ვაქცინის სერიად რეკომენდებულია 2 დოზის (0.5 მლ) ადმინისტრირება მკლავზე კუნთშიდა დელტისებურ კუნთში. ბუსტერ დოზა რეკომენდებულია უმაღლესი და მაღალი პრიორიტეტული მომხმარებელი ჯგუფებისთვის (მაგ., ხანდაზმულები, ჯანდაცვის მუშაკები, თანმხლები დაავადებების მქონე პირები), პირველადი სერიის დასრულებიდან 4-6 თვის შემდეგ.
იმუნიზაციის ექსპერტთა სტრატეგიულ მრჩეველთა ჯგუფის (SAGE) წინასწარი რეკომენდაციები COVID-19-ის ვაქცინების გამოყენების შესახებ:
https://www.who.int/groups/strategic-advisory-group-of-experts-on-immunization/covid-19-materials
წყარო:
- Jara A, Undurraga EA, Gonzalez C, Paredes F, Fontecilla T, Jara G et al. Effectiveness of an Inactivated SARS-CoV-2 Vaccine in Chile. N Engl J Med. 2021;385:875-84. DOI: https://doi.org/10.1056/NEJMoa2107715.