BBV152 (კოვაქსინი) COVID-19-ის საწინააღმდეგო ვაქცინა, რომელიც იწარმოება ბარატ ბიოტეკის მიერ, არის სრული ინაქტივირებული ვირიონის SARS-Cov-2-ის საწინააღმდეგო ვაქცინა, რომელსაც მიენიჭა ჯანმრთელობის მსოფლიო ორგანიზაციის (WHO) გადაუდებელი გამოყენების ავტორიზაცია (EUL) 2021 წლის დეკემბერში (განახლებული ინფორმაცია გამოქვეყნდა 2022 წლის 15 მარტს).
ჯანმრთელობის მსოფლიო ორგანიზაციის გადაუდებელი გამოყენების ავტორიზაციის პროცესი ვაქცინის უსაფრთხოებასა და ეფექტურობასთან ერთად, მოიცავს წარმოების ხარისხის შეფასებასაც. ყველა სხვა ვაქცინების მსგავსად, რომელსაც გადაუდებელი გამოყენების ავტორიზაცია მიენიჭა, COVID-19-ის საწინააღმდეგო კოვაქსინის ვაქცინა ძალზე ეფექტურია COVID-19-ით გამოწვეული მძიმე დაავადების და ჰოსპიტალიზაციის პრევენციისთვის.
ეს ვაქცინა რეკომენდებულია 18 წლის და უფროსი ასაკის ადამიანებისათვის.
Covaxin-ის (ბარატ ბიოტეკი) მიწოდება გაეროს შესყიდვების სააგენტოების მეშვეობით შეჩერდა (2023 წლის იანვრის მდგომარეობით) ჯანმრთელობის მსოფლიო ორგანიზაციის 2022 წლის 14-22 მარტის ინსპექციის შედეგის საპასუხოდ, და კარგ საწარმოო პრაქტიკაში (GMP) გამოვლენილი ხარვეზების აღმოსაფხვრელად პროცესისა და დაწესებულებების განახლების საჭიროების გამო.
რისკის შეფასება იმ დროს არ მიუთითებდა რისკისა და სარგებლის ურთიერთმიმართების ცვლილებაზე. ჯანმრთელობის მსოფლიო ორგანიზაციისთვის ხელმისაწვდომი მონაცემები მიუთითებს, რომ ვაქცინა ეფექტურია და უვნებლობასთან დაკავშირებით შეშფოთების მიზეზი არ არსებობს.
იმუნიზაციის ექსპერტთა სტრატეგიულ მრჩეველთა ჯგუფის (SAGE) წინასწარი რეკომენდაციები COVID-19-ის ვაქცინების გამოყენების შესახებ:
https://www.who.int/groups/strategic-advisory-group-of-experts-on-immunization/covid-19-materials