განახლებული ბივალენტური ვაქცინები მუშაობს იმგვარად, როგორც ორიგინალი ვაქცინები: ამზადებს სხეულს COVID-19-ისგან თავის დასაცავად. თითოეული ვაქცინა შეიცავს მოლეკულებს, რომელთაც მ-რნმ ეწოდებათ. მათ მიღებული აქვთ ინსტრუქციები ორიგინალი SARS-CoV-2 და ომიკრონის ქვევარიანტების სპაიკ ცილების დასამზადებლად. სპაიკ ცილა - ცილაა ვირუსის ზედაპირზე, რომელიც ვირუსს სხეულის უჯრედებში შესაღწევად სჭირდება და შეიძლება განსხვავდებოდეს ვირუსის შტამის მიხედვით. ვაქცინების ადაპტირების მიზანს წარმოადგენს COVID-19-ის საწინააღმდეგო ვირუსის სხვადასხვა შტამებისგან დაცვის უზრუნველყოფა.
როდესაც პირს უტარდება ვაქცინაცია ერთ-ერთი ასეთი ვაქცინით, ზოგიერთი უჯრედი წაიკითხავს მ-რნმ ინსტრუქციას და დროებით გამოიმუშავებს სპაიკ ცილებს. შემდეგ ადამიანის იმუნური სისტემა ამ ცილებს უცხო სხეულად ამოიცნობს და მათ წინააღმდეგ ბუნებრივ თავდაცვას დროებით გაააქტიურებს - ანტისხეულებსა და T-უჯრედებს.
თუ ვაქცინირებული ადამიანი მოგვიანებით ვირუსთან კონტაქტში შევა, იმუნური სისტემა ამოიცნობს ზედაპირზე სპაიკ ცილებს და მზად იქნება მასზე თავდასხმისთვის. ანტისხეულებს და იმუნურ უჯრედებს შეუძლიათ ერთად მუშაობით COVID-19-სგან დაცვა ვირუსის გასანადგურებლად, სხეულის უჯრედებში მისი შესვლის თავიდან აცილებით და ინფიცირებული უჯრედების განადგურებით.
ვაქცინების მ-რნმ მოლეკულები სხეულში არ რჩებიან, არამედ ვაქცინაციის შემდეგ მალევე იშლებიან.
