COVID-19-ის საწინააღმდეგო ვაქცინა Janssen არის ვექტორული ვაქცინა, რომელიც შედგება სხვა მოდიფიცირებული ვირუსისგან (ადენოვირუსის ტიპი 26), რათა შეიცავდეს SARS-CoV-2 ცილის (გლიკოპროტეინი (Ad26.COV2-S) წარმოსაქმნელ გენს. ეს არის SARS-CoV-2 ვირუსის ცილა, რომელსაც ის იყენებს სხეულის უჯრედებში შესასვლელად.
ადენოვირუსის სეროტიპი 26 არის რეპლიკაციის უნარის მქონე ადამიანის ადენოვირუსი, რომელსაც არ შეუძლია დაავადების გამოწვევა. ამ დასუსტებული ადენოვირუსით ვაქცინაცია ავარჯიშებს სხეულს, ამოიცნოს SARS-CoV-2 ვირუსი და მოახდინოს იმუნური პასუხი მის სპაიკცილაზე, რაც ხელს უშლის დაავადების კლინიკური ფორმის განვითარებას, თუ მომავალში SARS-CoV-2 ვირუსი მოხვდება ორგანიზმში.
ადენოვირუსის ვექტორს გადააქვს SARS-CoV-2 ვირუსის გენი ვაქცინირებული ადამიანის უჯრედებში. ამის შემდეგ უჯრედებს აქვთ შესაძლებლობა, გამოიყენონ ეს გენი სპაიკცილის შესაქმნელად. ადამიანის იმუნური სისტემა ამოიცნობს ცილას, როგორც უცხოს, იწყებს ანტისხეულების გამომუშავებას და ააქტიურებს T უჯრედებს ამ ცილის წინააღმდეგ საბრძოლველად. მომავალში, თუ ადამიანი დაინფიცირდება SARS-CoV-2 ვირუსით, მისი იმუნური სისტემა ამოიცნობს ვირუსის ზედაპირზე არსებულ ცილას და მზად იქნება მისგან თავის დასაცავად.
Janssen-ის COVID-19-ის საწინააღმდეგო ვაქცინა:
- შეიცავს დასუსტებულ ადენოვირუსს, რომელიც ატარებს გენს SARS-CoV-2 ვირუსის სპაიკცილის წარმოებისთვის.
- ავარჯიშებს ვაქცინირებული ადამიანის ორგანიზმს SARS-CoV-2 ვირუსთან საბრძოლველად.
იმუნიზაციის ექსპერტთა სტრატეგიულ მრჩეველთა ჯგუფის (SAGE) წინასწარი რეკომენდაციები COVID-19-ის ვაქცინის გამოყენებასთან დაკავშირებით:
https://www.who.int/groups/strategic-advisory-group-of-experts-on-immunization/covid-19-materials