ჩვენ, როგორც ექსპერტებს ხშირად გვეკითხებიან, არის თუ არა COVID-19-ის საწინააღმდეგო ვაქცინები განსხვავებული, ან აქვთ თუ არა იგივე გავლენა, შედეგები და ეფექტურობა დაავადებისა და ინფექციის წინააღმდეგ. მე მჯერა, რომ ამ ვაქცინების გამოყენების პირველ ფაზაში, ჩვენ არ უნდა გავამახვილოთ ყურადღება იმ განსხვავებებზე, რომლებიც ნაპოვნი იქნა კლინიკურ კვლევებში სხვადასხვა ვაქცინებს შორის. ფაქტობრივად, ამ ვაქცინების შესწავლის მეთოდი დროში განსხვავებული იყო, ისევე როგორც COVID-19-ის ეპიდემიოლოგიური მრუდის ფორმა. მინდა ხაზგასმით აღვნიშნო, რომ ყველა მათგანს შეუძლია სიკვდილის პრევენცია - თითქმის 100 პროცენტიანი ეფექტურობა სიკვდილის, ჰოსპიტალიზაციისა და მძიმე შემთხვევების წინააღმდეგ. ჩვენ თითქმის არ ვხვდებით მძიმე შემთხვევებს ვაქცინირებულ ადამიანებს შორის და ამიტომ ვიტყოდი, რომ ყველა ვაქცინა, რომელიც ჩვენ გვაქვს, უნდა იქნეს გამოყენებული თანაბრად, და ჩვენ თავისთავად უნდა ვიზრუნოთ იმაზე, რომ მივიღოთ დაფარვის მაღალი მაჩვენებელი პირველ რიგში რისკის ჯგუფებისთვის და მოხუცებისთვის, ჯანდაცვის მუშაკებისთვის, შემდეგ კი დღითიდღე ჩამოვიდეთ ახალგაზრდა მოსახლეობაზე.