ქვეყნის ფარგლებს გარეთ მცხოვრებ პირებს უკრაინიდან, ურჩევენ ჯანდაცვის ორგანოებთან დაკავშირებას ან მასპინძელ ქვეყანაში COVID-19-ის საწინააღმდეგო ვაქცინაციის ცენტრში სტუმრობას, სადაც მათი COVID-19-ის საწინააღმდეგო ვაქცინაციის სტატუსი შეფასდება და მოხდება ნებისმიერი გამორჩენილი დოზის ადმინისტრირება. მათ უნდა დაიწყონ ან გააგრძელონ COVID-19-ის საწინააღმდეგო (და ნებისმიერი სხვა) ვაქცინის მიღება მასპინძელი ქვეყნის ეროვნული გაიდლაინების შესაბამისად.
ჯანმრთელობის მსოფლიო ორგანიზაცია რეკომენდაციას უწევს, რომ უფლებამოსილი პირი, რომელმაც მიიღო COVID-19-ის საწინააღმდეგო ვაქცინის ერთი დოზა, უნდა აიცრას მეორე და ბუსტერ დოზებით. უფლებამოსილი პირი, რომელსაც მიღებული აქვს COVID-19-ის საწინააღმდეგო ავტორიზებული ვაქცინის ორი დოზა, უნდა აიცრას ბუსტერ დოზით. საუკეთესო დაცულობისთვის, პირმა უნდა მიიღოს ყველა რეკომენდებული დოზა მიუხედავად იმისა, აქვს თუ არა წარსულში COVID-19-ის დაავადება გადატანილი.
