ვაქცინები უსაფრთხო, ეფექტურია და უნდა მიეწოდოს ქრონიკული გულ-სისხლძარღვთა დაავადების (გსდ) მქონე პირს დაავადების მიზეზისა და სიმძიმის მიუხედავად, მათ შორის პირებს გულის იშემიური დაავადებით, ცერებროვასკულური დაავადებით, პერიფერიული არტერიული დაავადებით, გულის რევმატული დაავადებით, გულის თანდაყოლილი დაავადებით, ღრმა ვენების თრომბოზითა და ფილტვის ემბოლიით, აგრეთვე გულის გადანერგვის მიმღებებს.
გულ-სისხლძარღვთა დაავადებების მქონე პირები უფრო მაღალი რისკის ქვეშ არიან, რაც გულისხმობს ჰოსპიტალიზაციის საჭიროებას, ინტენსიურ მკურნალობას, ინტუბაციას ან/და ვენტილაციას და COVID-19-ით სიკვდილს. ამ გაზრდილი ავადობისა და სიკვდილიანობის გამო, მნიშვნელოვანია, რომ ამ პირებმა, მათმა ოჯახის წევრმა კონტაქტებმა და ჯანდაცვის მიმწოდებელმა პირებმა ჩაიტარონ COVID-19-ის საწინააღმდეგო ვაქცინაცია. არ არსებობს მტკიცებულება იმის შესახებ, რომ COVID-19-ის საწინააღმდეგო ვაქცინებს რაიმე უარყოფითი გავლენა აქვთ გულ-სისხლძარღვთა დაავადებების მქონე პირებზე.
COVID-19-ის საწინააღმდეგო ამჟამინდელი ვაქცინები კვლავ ძლიერ დაცვას უზრუნველყოფენ მძიმე დაავადებისა და სიკვდილისგან, დღემდე გამოვლენილი ვირუსის ყველა ვარიანტის შემთხვევაში. აქედან გამომდინარე, პრიორიტეტად რჩება ყველა შესაბამის პირებში, განსაკუთრებით ყველაზე დაუცველ ადამიანებში, პირველადი ვაქცინაციის სერიით და დამატებითი დოზებით მაღალი მოცვის მიღწევა.
გსდ-ს მქონე სამედიცინო თვალსაზრისით სტაბილური პაციენტები უნდა განიხილებოდნენ COVID-19-ის საწინააღმდეგო ვაქცინის მიმღებად, მათი მკურნალობის შეფერხების გარეშე.
გსდ-ს მქონე პაციენტები ისარგებლებენ ინტენსიური დაცვით როგორც COVID-19-ისგან, ასევე გრიპის დაავადებისგან COVID-19-ის საწინააღმდეგო ვაქცინისა და სეზონური გრიპის ვაქცინის ერთდროული თანაადმინისტრირებით, როდესაც ეს გამართლებულია.
COVID-19-ისგან გამოჯანმრთელებული პირები კვლავ ისარგებლებენ დაავადების საწინააღმდეგო ვაქცინაციით, რადგან ბუნებრივად შეძენილი და ვაქცინით განპირობებული იმუნიტეტის ერთობლივი კომბინაცია ხელახალი ინფექციისგან უფრო მეტ დაცვას უზრუნველყოფს.
