მოსახლეობის ამ ჯგუფში ვაქცინები უსაფრთხოდ ითვლება, თუმცა იმუნური პასუხი ასეთ პირებში შეიძლება იყოს უფრო სუსტი, ვიდრე ზოგადად მოსახლეობაში.
იმუნოკომპრომეტირებული პაციენტებს (მათ შორის, ვინც ცხოვრობს აივ-ით, CD4+ რაოდენობის მიუხედავად) ან იმ პირებს, რომლებიც იღებენ იმუნოსუპრესიულ თერაპიას (კორტიკოსტეროიდების ჩათვლით, რომლებიც ზოგჯერ გამოიყენება COVID-19-ის სამკურნალოდ), შეიძლება ჰქონდეთ მძიმე COVID-19-ის განვითარების რისკი. არ არის რეკომენდებული იმუნოსუპრესიული თერაპიის შეწყვეტა.
ვაქცინების გამოყენებისას, რომლებიც არ შეიცავს ცოცხალ ვირუსებს, როგორიცაა mRNA ვაქცინები და ვექტორული ვაქცინები, აღდგენილი პლაზმის ან მონოკლონური ანტისხეულების გამოყენება COVID-19-ის სამკურნალოდ არ არის ვაქცინაციის უკუჩვენება, თუმცა, იმუნური პასუხის ფორმირებაზე ასეთი თერაპიის ეფექტის გამორიცხვის მიზნით, რეკომენდებულია ვაქცინაციის გადადება ასეთი თერაპიის დასრულებიდან მინიმუმ 90 დღით.
იმუნოკომპრომეტირებულმა ადამიანებმა უნდა მიიღონ COVID-19-ის საწინააღმდეგო ვაქცინის დამატებითი დოზა, როგორც მათი პირველადი ვაქცინაციის გრაფიკის ნაწილი, რაც მათ ორგანიზმს მისცემს მეტ შესაძლებლობას ჩამოაყალიბოს საკმარისი იმუნური პასუხი.
განახლებული ინფორმაცია (მარტი 2023):
იმუნოკომპრომეტირებული ადამიანები წარმოადგენენ ყველაზე პრიორიტეტულ ჯგუფებს, რომელთათვისაც რეკომენდებულია ბუსტერ დოზები.
