არავაქცინირებულ ხანდაზმულ ადამიანებს აქვთ ჰოსპიტალიზაციის ან სიკვდილის მაღალი ალბათობა COVID-19-ის გამო. კორონავირუსით მძიმე დაავადების რისკი იზრდება ასაკთან ერთად, ხანდაზმულები კი ყველაზე მაღალი რისკის წინაშე დგანან. უფრო მეტიც, ეს რისკი კიდევ უფრო იზრდება ქრონიკული დაავადებების არსებობისას და დასუსტებული იმუნური სისტემის მქონე ადამიანებში.
COVID-19-ის საწინააღმდეგო ვაქცინების რეალურმა შეფასებებმა აჩვენა, რომ სრული ვაქცინაცია ეფექტური იყო COVID-19-თან დაკავშირებული ჰოსპიტალიზაციის 94-96%-ის პრევენციისთვის ≥65 წელზე უფროსი ასაკის ადამიანებში.
COVID-19-ის საწინააღმდეგო ვაქცინები აგრძელებენ ძლიერ დაცვას მძიმე დაავადებებისა და სიკვდილისგან, რომლებიც დაკავშირებულია ვირუსის განვითარებად ვარიანტებთან, მათ შორის დელტასა და ომიკრონთან. ასევე დადასტურდა, რომ ვაქცინები უსაფრთხოა ხანდაზმულებისთვის, მათ შორის ქრონიკული დაავადებების მქონე და დასუსტებული იმუნური სისტემის მქონე ადამიანებისთვის. გვერდითი მოვლენების უმეტესობა მსუბუქი და მოკლევადიანია და ყველა აცრილი ადამიანი არ განიცდის მათ.
