საავადმყოფოში ან სხვა სამედიცინო დაწესებულებაში ვიზიტის დროს შესაძლებელია დაინფიცირება ვირუსით, რომელიც COVID-19-ს იწვევს: ამ დაწესებულებებს ადამიანები სტუმრობენ სამედიცინო დახმარების მისაღებად სიმპტომებით ან მათ გარეშე.
ზოგადად, იმუნიზაციის სესიები ტარდება იმგვარად, რომ მინიმუმამდე შემცირდეს COVID-19-ით ან სხვა დაავადებებით ინფიცირების რისკი, მათ შორის ხელის ჰიგიენის დაცვით, ინდივიდუალური დამცავი საშუალებების გამოყენებით, გარემოს გაწმენდით, ნარჩენების მყისიერი მართვით და პაციენტებისა და ჯანმრთელი ადამიანების განცალკევებით სპეციალური საათების ან ცალკეული შესასვლელების გამოყოფის გზით.
სამედიცინო დაწესებულებაში ვიზიტით მისული თითოეული ადამიანი უნდა იცავდეს ადგილობრივი ხელისუფლებისა და ჯანდაცვის მომსახურების მიმწოდებელის მიერ გაცემულ რეკომენდაციებს საკუთარი თავისა და სხვების დასაცავად.
