COVID-19-ის საწინააღმდეგო mRNA ვაქცინები ავალებს ჩვენს უჯრედებს, დაიწყონ ვირუსის უვნებელი კომპონენტის გამომუშავება, სახელწოდებით "სპაიკცილა" (spike protein). სპაიკცილა გვხვდება ვირუსის ზედაპირზე, რომელიც იწვევს COVID-19-ს. COVID-19-ის საწინააღმდეგო mRNA ვაქცინები კეთდება მკლავის ზედა კუნთში. მას შემდეგ, რაც „ინსტრუქციები“ (mRNA) შედის კუნთოვან უჯრედებში, უჯრედები მათ იყენებენ ცილის შესაქმნელად. ვირუსის ცილის ნაწილაკების წარმოქმნის შემდეგ უჯრედი ანადგურებს შემოსულ mRNA-ს და ათავისუფლებს მას. შემდეგ ცილის ნაწილაკი უჯრედის ზედაპირზე გამოდის. ჩვენი იმუნური სისტემა ცნობს უცხო ცილის არსებობას და იწყებს იმუნური თავდაცვის ჩამოყალიბებას ანტისხეულების წარმოქმნით, ისევე როგორც ეს მოხდება, თუ ადამიანი ბუნებრივად დაინფიცირდება COVID-19-ის გამომწვევი ვირუსით.
ამ პროცესის შედეგად ჩვენი ორგანიზმი სწავლობს თავის დაცვას მომავალი ინფექციისგან. mRNA ვაქცინების სარგებელი, ისევე როგორც ყველა ვაქცინის, არის ის, რომ ვაქცინირებული ადამიანები იღებენ ამ დაცვას COVID-19-ით დაავადების სერიოზული შედეგების რისკის გარეშე.
mRNA-ზე დაფუძნებული ვაქცინები ვერ იწვევენ COVID-19-ს, რადგან ასეთი ვაქცინები არ იყენებენ ცოცხალ ვირუსს, რომელიც იწვევს COVID-19-ს. ისინი აგრეთვე არ ახდენენ გავლენას და არ ურთიერთმოქმედებენ ჩვენს დნმ-თან რაიმე ფორმით.
mRNA ვაქცინები:
- ავალებს ადამიანის უჯრედებს გამოიმუშაონ SARS-CoV-2 ცილა, რომელიც იწვევს იმუნურ პასუხს,
- ვერ გამოიწვევს COVID-19 დაავადებას,
- ვერ ახდენს გავლენას დნმ-ზე.